今日快报

再孖卫兰合唱　陈柏宇恨同方大同合作

歌手陈柏宇（Jason）出席音乐活动， 继上次任卫兰（Janice）演唱会嘉宾后，再次和Janice上合唱一曲，问到Jason可有想过真正和Janice录一首合唱歌？Jason表示：「又冇特登谂住出一首歌，我觉得反而咁样live合唱freestyle更好。」

想再同那位歌手合唱？Jason谓：「男女都冇所谓呀，因为我把声都好易夹到，亦好适合唱和音，自己都锺意。方大同都好，因为真系好少见到佢。（你唔介意帮佢做和音？）如果佢写首歌畀我，我就帮佢做和音，有乜所谓呢！」

胡说八道会攞奖！黄智雯中门大开赠兴

艺人黄智雯（Mandy）、李施嬅、胡蓓蔚等主持的综艺节目《胡说八道真情假期》于一个内地网站颁奖礼上获得节目奖。以粉红色真空褛、中门大开出席颁奖礼的Mandy感谢观众对节目的支持，又话奖项见证「胡说八道会」成立六周年，李施嬅亦多谢未能出席的好姊妹胡杏儿、胡定欣及羚子羚。而身为大会司仪的胡蓓蔚表示很开心做司仪之余，又可以攞奖。

六个人一个奖点分？施嬅提议轮流放在各人家中，胡蓓蔚即话自己平时冇乜机会攞奖：「你哋将来大把机会攞视后。」Mandy即说：「咁呢个奖归你！」十分搞笑。

努力造人！乐基儿恨两年之内做妈妈

名模乐基儿（Gaile）出席品牌活动，身形圆润不少。她表示当自己正忙于将煮食情形拍照放上社交媒体呃like时，但突然接到记者打电话通知、才得知黎明的喜讯，她说：「恭喜晒Leon，都替佢开心嘅，希望BB会健康、得意。(有冇打电话或者send讯息恭喜Leon？)冇呀，唔想骚扰到人哋。(你有冇觉得好愕然？)唔会，因为每个人都有咁嘅机会。」

乐基儿表示认识阿wing，但是并不是非常相熟，两人在公司有见过面，自己觉得阿wing好nice。提及网上有指阿wing霸道，她说：「唔知呀。（阿wing曾经有同李治廷（Aarif）拍拖？）我喺公司见过Aarif，但系应该冇囉。」提及黎明的两个离婚的人走在一起的言论，她直言：「我好认同timing系好重要，因为我同我老公都系咁，两个人可以再一次fall in love，所以都好开心。」

问乐基儿是否准备做妈妈？她表示：「一直都有做瑜伽、运动等调理身体，同埋一直都有尝试紧，但系我同老公成日飞，所以都系顺其自然、冇乜压力。（你有冇话想要仔定女？）冇所谓啦，最紧要BB健康。（你会唔会考虑减少工作？）有咗BB之后会考虑减少工作。（你急唔急？）我希望喺呢一、两年之内做到妈妈啦。」提及雷颂德指黎明会是恶外父，她表示：「我唔清楚呀，但我觉得每个爹哋都会锡自己嘅仔女，所以佢应该唔恶囉。」

陈伟霆大阪樱花树下被集邮

唔少粉丝渴望同偶像见面，今日又再有人实现咗呢个愿望啦！有一位网民在社交网晒出多张同艺人陈伟霆（William）的合照及短片，并透露实在日本大阪城公园偶遇到William。

片中听到粉丝话：「虽然我冇彭于晏，但系我有陈伟霆啦！」睇嚟真系好兴奋咁喎！而戴住白色cap帽加黑超的William就在一棵树下玩紧自拍，虽然畀一班粉丝围住，但都依然保持微笑，仲主动问：「系咪合照呀？」真系够晒亲民呀！而相中见William笑笑口同两位粉丝合照之余，仲搭晒膊头，果然系有求必应。唔少网民都大叫好羡慕，仲有人问点样先可以偶遇到自己嘅偶像。

择紧日！阿娇爆婚礼玩「恐怖」Feel

组合Twins锺欣潼（阿娇）与蔡卓妍（阿Sa）出席活动，最近被求婚成功的阿娇，被问到何时开始筹备婚礼？她表示未知道，因接下来会忙着拍戏，将于上海逗留个多月，5月又要准备美加的巡回演出，暂时未知几时举行婚礼，更透露要待堪舆学家择日子。至于可会请婚礼策划人负责？阿娇说：「我未得闲搞。（有冇idea？）Michael（赖弘国）发咗啲相畀我，话想咁样布置，系一个亭，有啲红色嘅花、都几恐怖，好似鬼新娘！」她更透露一定会在香港摆酒，而台湾方面可能与当地亲友及朋友吃饭庆祝。

谈到阿娇若婚后生仔，是否代表阿Sa亦好事近？阿Sa笑谓：「你话生就生咩，我哋叫Twins，话生就生Twins咩！」阿娇又再大玩金句：「你估Twins就生Twins咩！」问到二人可有关心容祖儿近日失恋的新闻？阿Sa表示：「大个女㗎喇，佢会识谂！」阿娇则透露有见过祖儿，指对方OK！

请大家踊跃留言，也欢迎大家转发到朋友圈哦！

▲点击图片，阅读往期精彩

☞转载授权微信：lama129 

☞ 商务QQ：3004269083

长按识别二维码关注